Қийнадим. Қийнадим дилни беомон. 
Бечора юракка тиним бўлмади. 
Хислар талаш қилди чап кўкрагимни  
Сизни соғинмаган куним бўлмади... 
Ёнғоқ чақиб еди бошимда тақдир, 
Ўзин холатига у балки хақдир. 
Билмадим.  Кўнгилга нима керакдир 
Сизни соғинмаган куним бўлмади... 
Дарз кетди кўнгилнинг кўзгуларига  
Эрмакман қисматнинг кулгуларига.  
Кишан солинди дил туйғуларига 
Сизни соғинмаган куним бўлмади... 
Дунё ошиғига тикди жонимни 
Шашқол донасидай отди жонимни.  
Қиморга бой бериб хонумонимни 
Сизни соғинмаган куним бўлмади...