So'zlaringiz og'ritdi ko'nglim,
Ko'ngil ishqqa mozor deb ayting.
O'lan aytgan o'lanchi singlim,
Yor yor emas " yot yor " deb ayting.
Dilda ozor ko'ngilda ozor,
Muhabbatni ozor deb ayting.
Ko'nglim uchun, men uchun bir bor,
Yor yor emas " yot yor " deb ayting.
Muhabbatim sotib ketti u,
Bu dunyoni bozor deb ayting.
Zora dilga taskin bersa shu,
Yor yor emas " yot yor " deb ayting.
O'lanchi qiz aytsangiz o'lan,
U bevafo dildor deb ayting.
Begonaman endi u bilan
Yor yor emas " yot yor " deb ayting.
Ko'ngil ishqqa mozor deb ayting,
Muhabbatni ozor deb ayting.
Bu dunyoni bozor deb ayting,
Yor yor emas " yot yor " deb ayting....!!!